المــــطار .::
1) أنا للناس ما زاد إشتياقي - ولا دوّرت وش ناقص وباقي - أنا لعيونها أبدا سباقي - ما بين الكون
إخترت المجره -
2)مجمع صمت لا يملك كلام - فريد الوجه من بين الانام - إذا شفته وانا أبغى أنام - أنام كل أحلامي مسره -
النص :
وحيد وما عرفت إلا وحيده
م بين الناس تلقاها فريده
شديدة غنج لو يكثر غلاها
قريبة قُرب لو تُصبح بعيده
مجمع حب ما يملك مداخل
سِوى مدخل حياتي للوحيده
يكابرني الفضول إلي نبذته
على من كان يوصلني بريده
أشوفه في مناماتي وعلمي
وأشوفه فالبدايات الحميده
يكلمني شعوره في حضوره
ويتبع في متاهاتٍ شديده
شعور الحب وإلا بإهتمامه
بتفصيلات وأخبارٍ جديده
طموحه يختلف ضمن إختلافه
لأنه شخص ضرباته سديده
يخطط في تفاصيله لنفسه
ولا يقبل نقاشات ونقيده
يرى كل البشر داخل كيانه
مجرد شخص وأوصافه عديده
يصافح من بغى منهم يصافح
ويعطي من طغى منهم جحيده
يخالط بعضه وبعضه جفاها
ولا يبذخ ولو نفسه زهيده
حدوده كوكبٍ بين الكواكب
وسيع بطان وأقماره وليده
كأن الزين من زِينه تلعثم
ولا ينطق لها جمله مفيده
سحب نفسه على قسمه وكمّل
طريق البحث عن خلقٍ ضديده
وانا من عندي أخبرته بواقع
بإنه شخص لا يمكن تصيده
لذلك ريّح التفكير تكفى
وعوّد للحياه المستبيده
أنا نفسي تقاومني عليها
وتخلق للوعد بهجه سعيده
حضور إنسان لا يمكن تجاهل
حلاه الفذ بالنفس الوديده
يغار الوقت من خفة وجوده
ويجعل للقا مده مديده
تأمل كيف علّقت الخلايق
وكيف الناس جمعها وعيده
وكيف النور يعكسها أمامي
وكيف الليل وزعها بديده
تخيّل كيف أصبحت الاناني
وتقتل للملك أغلى عبيده
ويشفعك الغلا بين الاوادم
عشانك للغلا أصلاً عميده
أنا ملهوف لو نام إشتياقي
وانا موجود لو بالي شريده
دخلتي في مجالاتي وكنّي
محرر للهوى داخل جريده
أدقق في سماتك يا سماتك
يجف الدم من سائل وريده
لأني شخص لا شفتك أسافر
وأحس بواقعي زايد وقيده
واصير اغنى رجل يملك دراهم
لو إني فالحقيقه عالحديده
ترى كل البشر تطلب وتدعي
ورب الكون يفعل ما يريده
وانا مؤمن بربي لا محاله
ومؤمن بالكتاب وبالعقيده
وإذا ربي كتب لي من حلاله
ترى دنياي باقيها رغيده
وانا بين الكثالى ما أراهم
لأني فالوغى ناوي شهيده
ولأني فالهوى باقي أصارع
يزيد الشوق وإلا ما يزيده
مجرد حلم حَالفنا منامه
وصوّر ما تراه وما تعيده
حكاية حب ما شافت نهايه
ولا تكسر جوانبها مكيده
حكاية واحدٍ عاشق وحيده
م بين الناس تلقاها فريده
الاقـــلاع .::
هِد الغلا يا واسع العين لو رَد
حِيط الحلا يبرك إذا طال حيطك
عِد المَلاَ مَره وحطْ قدهم قد
نوع البَشَر يَبطي يشابه خليطك
لو (للعَبَط) حاجة تخليك منشد
يا ليتني لو يوم أصبح عبيطك
الرئيسية
